حوار مع فقمة -محمد بهاء نزال – الأردن
العالم الآن -امن الدولة تسند تهماً للمتورطين بقضية الدخان ومحامي مطيع بقولك دليل البراءة بجيبتي ولا بسأل اصلاً بيروت احلى .
-بلدية الزرقاء عليها قضية نازل عليها طلب 😁 وبدها قرض تسكر ديونها وسيارات البلدية مش مرخصة معقول في رقيب بالزرقاء تكبس معوا ويحجز سيارة بلدية .
-المجلس ينتفض وهناك تدخل عشائري وهون بنكون وصلنا للمرحلة الاكبر واللي هي استعراض العضلات وحرب البقاء للاقوى “بقولك سيب بسيب” المحترم عبا نص اصحابة بدون ولا كف .
-رئساء وزراء سابقين يتوعدوا بافشال حكومة الرزاز ، وهاي اصول اللعبة لازم يتصدوا للهجوم الرزازي شكله ضاغطهم من يوم ما اجى واصحاب السعادة والمعالي متكهربين وتفرقوا زلامهم اشي مش عارف يتصرف واشي هرب برا البلد واشي محبوس “اعمل نفسك ميت” .
مولعة مع الشباب بعد جية ابو الرزاز معقول ضاغطهم نازلين يكشفوا ببعض عاد مبين عليه عاقل !!
نصيحة من مواطن ، معاليك بوجهك وعالرابع وبنحكيلك مع دولته بنقصرش معك او اذا بتحبوا تهدوا النفوس في رحلة الخميس على جرش :
” مهرجان العنب الاول و منتجات المرأة الريفية ”
تحت رعاية وزير الزراعة المهندس خالد حنيفات ،
وتحت الدوالي بتتعاتبوا وبتتصالحوا و ان شاء الله الامور طيبة !!
#الحكومة_تريد_اسقاط_العصابات